سابق بھارتی کرکٹر لالچند راجپوت زمبابوین ٹیم کے ہیڈ کوچ مقرر

ہرارے(امت نیوز)سابق بھارتی کرکٹر لالچند راجپوت زمبابوین کرکٹ ٹیم کے مستقل ہیڈ کوچ مقرر ہو گئے۔ راجپوت ہیتھ اسٹریک کے مستعفی ہونے کے بعد گزشتہ تین ماہ سے عبوری بنیادوں پر زمبابوین ٹیم کے ساتھ کام کر رہے تھے تاہم اب وہ 2020ء میں شیڈول ٹی ٹونٹی ورلڈ کپ تک ذمہ داریاں جاری رکھیں گے۔ زمبابوے کرکٹ بورڈ کے چیئرمین تاونگوا موکولانی نے اپنے بیان میں کہا کہ ٹی ٹونٹی اور 50 اوور ورلڈ کپ کوالیفکیشن ٹورنامنٹس ہمارے اہداف میں شامل ہیں، راجپوت کرکٹ کے بارے وسیع سوچ اور تجربہ رکھتے ہیں۔