سوکا ورلڈ کپ میں پاکستانی فٹبالرزکی شرکت یقینی

لندن (امت نیوز)پاکستان فٹ بال ٹیم کے سابق کوچ طارق لطفی نے کہا ہے کہ آئندہ ماہ پْرتگال کے شہر لزبن میں کھیلا جانے والے سوکا ورلڈ کپ میں پاکستان کے کھلاڑیوں کی شرکت کا خواب ایک حقیقت کاروپ دھارنے جارہا ہے۔میڈیا رپورٹ کے مطابق سوکا ورلڈ کپ میں شریک پاکستان ٹیم کے ہیڈ کوچ طارق لطفی کو یہ اعزاز حاصل ہے کہ وہ پاکستان کی خواتین اور مردوں کی ٹیموں کے کئی بار کوچ رہے ہیں اب انہیں مختصر فارمیٹ کی فٹ بال میں بھی ہیڈ کوچ بننے کا اعزاز ملنے جارہا ہے۔لیڑر لیگس نے انہیں سکس اے سائیڈ ورلڈ کپ میں پاکستان ٹیم کے ہیڈ کوچ کی ذمہ داریاں تفویض کی ہیں۔ سکس اے سائیڈ منی ورلڈ کپ 23 ستمبر سے شروع ہوگا جس میں دنیا کی 32 ٹیمیں حصہ لے رہی ہیں۔ایونٹ کے گروپ ’بی‘ میں اسپین، روس اور مالڈوا کے خلاف پاکستان ٹیم میدان میں اترے گی۔