استور میں 3 روزہ فیسٹول راما فیسٹول کا آغاز ہوگیا

استور(اے پی پی)ضلع استور میں3 روزہ راما فیسٹول شروع ہو گیا۔فیسٹول میں پولو ، فٹبال اوروالی بال کے مقابلے اور میوزیکل شو کے علاوہ دیگر ثقافتی سرگرمیوں کا بھی انعقاد کیاجائے گا۔ پولو میں گلگت بلتستان کی تمام پولو ٹیموں نے شرکت کی جبکہ شام کو میوزکل شو کا انعقاد بھی کیا گیا ۔فیسٹول کے حوالے سے صدر ڈسٹرکٹ پولو ایسوسی ایشن استور رانا محمد فاروق نے کہا کہ راما فیسٹول کے انعقاد سے استور میں سیاحت کو مزید فروغ ملے گا ، راما فیسٹول اس سال شاندار طریقے سے منایا جا ر ہا ہے، استوری عوام سے گزارش ہے کہ وہ باہر سے آنے والے ملکی اور غیر ملکی سیاحوں سمیت گلگت بلتستان کے دیگر اضلاع سے تعلق رکھنے والے لوگوں کو دل کھول کر مہمان نوازی کا مظاہرہ کریں۔