آئرلینڈ اور افغانستان آج پھر آمنے سامنے

بلفاسٹ (امت نیوز) آئرلینڈ اور افغانستان کے درمیان تین ایک روزہ بین الاقوامی کرکٹ میچوں پر مشتمل سیریز کا تیسرا اور آخری میچ (آج) جمعہ کو بلفاسٹ میں کھیلا جائے گا۔ دونوں ٹیموں کے درمیان تین میچوں کی سیریز 1-1 سے برابر ہے۔ افغانستان کی ٹیم نے پہلے ایک روزہ بین الاقوامی کرکٹ میچ میں آئرلینڈ کو 29 رنز سے شکست دی تھی۔ میزبان ٹیم نے دوسرے ایک روزہ بین الاقوامی کرکٹ میچ میں کم بیک کرتے ہوئے افغانستان کی ٹیم کو 3 وکٹوں سے ہرا کر سیریز 1-1 سے برابر کر دی۔