علامہ اقبال کرکٹ ٹرافی کے سیمی فائنلز آئندہ ہفتے ہونگے

اسلام آباد (امت نیوز) علامہ اقبال کرکٹ ٹرافی کے سیمی فائنلز مقابلے آئندہ ہفتے الیون سٹار کرکٹ گرائونڈ پر کھیلے جائیں گے۔ پہلا سیمی فائنل میچ الیون سٹار اور کلاسک کلب کی ٹیموں کے درمیان کھیلا جائے گا جبکہ دوسرے سیمی فائنل میں آصف میموریل کلب کا مقابلہ ایسکو سے ہوگا۔ ٹورنامنٹ آرگنائزنگ سیکرٹری جاوید علی خان نے بتایا کہ ٹورنامنٹ میں اسلام آباد کی بہترین بارہ ٹیموں نے حصہ لیا جن کو دو گروپوں میں تقسیم کیا گیا، گروپ اے میں الیون سٹار کلب، آصف میموریل کلب، اسلام آباد گرینر کلب، الفتح کلب، کنگ جم خانہ اور پنجاب کلب، جبکہ گروپ بی میں ایسکوکلب، کلاسک کلب، ینگ کیپٹل کلب، ملت کلب اور جنون کلب کی ٹیمیں شامل ہیں۔