کیریبین لیگ میںگیانا امیزن واریرز پوائنٹس ٹیبل پر سرفہرست

برج ٹائون(امت نیوز) کیریبین پریمیئر لیگ میں گیانا امیزن واریرز نے بارباڈوس ٹریڈنٹس کو 8 وکٹوں سے شکست دے کر پانچویں کامیابی حاصل کر لی، اس فتح کے ساتھ ہی گیانا نے پوائنٹس ٹیبل پر ٹاپ پوزیشن پر قبضہ جما لیا، فاتح ٹیم نے 166 رنز کا ہدف 17ویں اوور کی چوتھی گیند پر 2 وکٹوں پر حاصل کیا، لیوک رونکی نے 3 چھکوں اور 5 چوکوں کی مدد سے 67 رنز کی جارحانہ اننگز کھیل کر ٹیم کو فتح دلائی اور میچ کے بہترین کھلاڑی قرار پائے۔ برج ٹائون میں کھیلے گئے سی پی ایل کے 22ویں میچ میں بارباڈوس ٹریڈنٹس نے پہلے کھیلتے ہوئے مقررہ اوورز میں 7 وکٹوں پر 165 رنز بنائے، پوران 46، سٹیون سمتھ 40 اور ڈیوائن سمتھ 28 رنز بنا کر نمایاں رہے، گپٹل 8 اور ہاشم آملہ 2 رنز بنا سکے، سہیل تنویر، پریمس اور عمران طاہر نے دو، دو وکٹیں لیں، جواب میں گیانا امیزن واریرز نے مطلوبہ ہدف 16.4 اوورز میں 2 وکٹوں پر پورا کیا، رونکی 67 رنز بنا کر ناٹ آئوٹ رہے۔