انٹرنیشنل تھرو بال کوچنگ کورس کیلئے وینوز کا اعلان

اسلام آباد(امت نیوز) پاکستان تھرو بال فیڈریشن کے زیراہتمام انٹرنیشنل تھرو بال کوچنگ کورس رواں ماہ کراچی اور اسلام آباد میں منعقد ہوگا۔ پاکستان تھرو بال فیڈریشن کے سیکرٹری جنرل مقبول آرائیں نے بتایا کہ تھرو بال کوچنگ کورس منعقد کروانے کا مقصد ملک میں تھرو بال کے کھیل کو فروغ دینا ہے۔ انہوں نے کہاکہ کراچی میں دو روزہ کورس 10 اور 11 ستمبر کو جبکہ اسلام آباد میں دو روزہ کورس 13 اور 14 ستمبر کو ہوگا۔