گستاخانہ خاکوں کا مقابلہ منسوخ کرانے میں ترکی پاکستان نے کلیدی کردار ادا کیا- عاکف سعید

کرچی (پ ر) امیر تنظیم اسلامی حافظ عاکف سعید نے کہا ہے کہ گستاخانہ خاکوں کے مقابلہ کی منسوخی میں پاکستان اور ترکی نے کلیدی کردار اداکیا۔ اپنے بیان میں انہوں نے کہا کہ معاملہ ابھی ختم نہیں سمجھنا چاہئے اور تمام مسلم ممالک او آئی سی کو متحرک کرنے میں اپنا کردار ادا کریں اور مستقبل میں ایسے معاملات سے نمٹنے کے لئے بیٹھ کر حکمت عملی طے کرنی چاہئے۔ انہوں نے امریکی وزیر خارجہ کے دورہ پاکستان کے حوالے سے کہا کہ مائیک پومپیو کے ذریعے پاکستان کو ڈرا کر اپنے مفادات پورے کرنے کی کوشش کی جاری ہے، تاہم اﷲ کا شکر ہے کہ آج سول اور عسکری قیادت ایک پیج پر ہے اور امید ہے کہ ہماری قیادت نے اس حوالے سے کوئی حکمت عملی بنائی ہوگی۔