گلشن جمال میں فحاشی کے اڈے پر چھاپہ – 5 گرفتار

کراچی (اسٹاف رپورٹر)شارع فیصل پولیس نے گلشن جمال میں گیسٹ ہاؤس کے نام قائم فحاشی کے اڈے پر چھاپہ مار کر گیسٹ ہاؤس کے مالک ،2 خواتین سمیت 5 افراد کو گرفتار کرلیا۔ تفصیلات کے مطابق شارع فیصل پولیس نے گلشن جمال بلاک تھری پلاٹ نمبر A-27 پر بنے گیسٹ ہاؤس کے فرسٹ فلور پر کارروائی کرتے ہوئے گیسٹ ہاؤس کے مالک رضوان عرف جھولے لعل اور غیر اخلاقی حرکتیں کرنے والے دو مرد عدنان ، شجاعت حسین اور دو خواتین رانی اور نیلوفر کو گرفتار کرلیا ، پولیس کا کہنا ہے کہ گرفتار ہونے والا ملزم رضوان عرف جھولے لعل گیسٹ ہاؤس میں منشیات بھی فروخت کرتا تھا ، گیسٹ ہاؤس کے مالک کے قبضے سے بھاری مقدار میں منشیات بھی برآمد ہوئی ہے ، ملزمان سے تفتیش کی جارہی ہے۔