کورنگی-ملیر سے 2افراد کی لاشیں برآمد

کراچی (اسٹاف رپورٹر)کورنگی اور ملیر سے 2 افراد کی لاشیں برآمد ہوئی ہیں۔ تفصیلات کے مطابق کورنگی تھانے کی حدود ضیا کالونی سیکٹر اے میں واقع گھر سے تعفن اٹھنے کی اطلاع پر پولیس پہنچی تومکان کا دروازہ اندر سے بند تھا۔ پولیس اہلکاردروازہ توڑ کر اندر گئے توکمرے میں 44 سالہ غلام مرتضیٰ ولد عبدالحفیظ کی 3ن روز پرانی لاش پڑی تھی، جسے جناح اسپتال منتقل کیا گیا۔پولیس کے مطابق متوفی گھر میں اکیلا رہتا تھااوروہ طبعی موت مرا ہے۔ ادھرملیر کھوکھرا پار نمبر 2 پر واقع مکان نمبر 110 سے ایک شخص کی لاش ملی، جسےایمبولینس کے ذریعے جناح اسپتال پہنچایا گیا، جہاں متوفی کی شناخت 42 سالہ شمائل ولد جمیل کے نام سے ہوئی۔پولیس کے مطابق متوفی گھر میں اکیلا رہتا تھا بظاہر موت طبعی معلوم ہوتی ہے۔متوفی کے اہل خانہ کارروائی کے بغیر لاش ساتھ لے گئے۔