سری لنکا کا ایشیا کپ کیلئے 16 رکنی ٹیم کا اعلان

کولمبو (امت نیوز)سری لنکا نے ایشیا کپ کے لیے 16 رکنی ٹیم کا اعلان کردیا جس میں تجربہ کار بائولر لاسیتھ ملینگا کی واپسی ہوئی ہے۔تجربہ کار بائولر ملینگا نے آخری مرتبہ سری لنکا کی نمائندگی گزشتہ سال ستمبر میں بھارت کے خلاف کولمبو کے میدان میں کی تھی جس کے بعد وہ انجری کا شکار ہوئے تھے ٗملینگا نے بھارت کے خلاف اس میچ میں 35 رنز کے عوض ایک وکٹ حاصل کی تھی اور سری لنکا یہ میچ 6 وکٹوں سے ہار گیا تھا۔سری لنکا کرکٹ بورڈ کے عہدیدران کا کہنا تھا کہ 35 سالہ ملینگا نے ڈومیسٹک ٹی ٹوئنٹی سیریز میں سلیکٹرز کو اپنی کارکردگی سے متاثر کیا جس کے بعد انھیں ایشیا کپ کیلئے ٹیم میں شامل کیا گیا ہے۔ملینگا نے سری لنکا کی جانب سے جولائی 2004 میں اپنے کریئر کا آغاز کیا تھا اب تک 301 وکٹیں حاصل کر رکھی ہیں جبکہ ٹی ٹوئنٹی طرز میں 90 وکٹیں حاصل کیں ٗایشیا کپ کیلئے سری لنکا کی ٹیم ان کھلاڑیوں پر مشتمل ہوگی۔