قومی ٹیم کے تربیتی کیمپ کا دوسرا مرحلہ آج شروع ہوگا

لاہور(امت نیوز) ایشیا کپ کی تیاریوں کیلئے قومی کرکٹ ٹیم کے تربیتی کیمپ کا دوسرا مرحلہ آج سوموار کے روز سے قذافی سٹیڈیم لاہور میں شروع ہوگا جو کہ دس ستمبر تک جاری رہے گا ، کیمپ میں سب سے پہلے کھلاڑیوں کے فٹنس ٹیسٹ ہوں گے،کیمپ میں شرکت کرنے والے کھلاڑیوں میں فخر زمان، امام الحق، شان مسعود، محمد حفیظ،بابر اعظم، شعیب ملک،، جنید جان،شاہین خان آفریدی اور فہیم اشرف شامل ہیں۔