’’پنجاب انڈر 15بوائز فٹبال کپ کا انعقاد خوش آئند ہے‘‘

لاہور ( این این آئی)سیکرٹری سپورٹس پنجاب ایوب چودھری نے کہا ہے کہ پنجاب انڈر 15بوائز فٹ بال کپ کا انعقاد پاکستان میں فٹ بال کے روشن مستقبل کا آغاز ہے، نئے کھلاڑی ابھر کر سامنے آئیں گے، ڈی جی سپورٹس پنجاب محمد عامر جان نے کہا کہ ہر کھیل کے 15 سال سے کم عمر کے کھلاڑیوں کو صلاحیتوں کے اظہار کے لئے مواقع فراہم کرر ہے ہیں،پنجاب انڈر 15بوائز فٹ بال کپ اسی سلسلہ کی کڑی ہے،دوسری سپورٹس ایسوسی ایشنز سے مل کر اس طرح کے ایونٹس منعقد کرائیں گے۔ان خیالات کا اظہار انہوں نے گزشتہ دنوں سپورٹس بورڈ پنجاب کے زیراہتمام اور پنجاب فٹ بال ایسوسی ایشن کے تعاون سے پنجاب سٹیڈیم میں پنجاب انڈر 15بوائز فٹ بال کپ کی افتتاحی تقریب سے خطاب کرتے ہوئے کیا۔