بھارت کو آخری ٹیسٹ میں بھی شکست دینگے- جوروٹ

لندن(امت نیوز)انگلش کرکٹ ٹیم کے کپتان اور مایہ ناز بلے باز جوروٹ نے کہا ہے کہ وہ بھارت کیخلاف ٹیسٹ سیریز میں کامیابی پر بہت خوش ہیں۔ان کی ٹیم مکمل طور پر متحد ہے اور مہمان ٹیم کو پانچویں اور آخری میچ میں شکست دینے کیلئے پرعزم ہے۔ ٹیسٹ سیریز میں کامیابی ٹیم کی اجتماعی کوششوں کا نتیجہ ہے۔ان کی ٹیم مکمل طور پر فٹ اور بھرپور فارم میں ہے اور بھارت کے خلاف پانچویں اورآخری میچ کیلئے میدان میں اترنے کو بے تاب ہے۔ انگلینڈ نے بھارتی ٹیم کو چوتھے میچ میں 60 رنز سے شکست دیکر نہ صرف میچ میں کامیابی حاصل کی بلکہ پانچ میچوں کی سیریز میں بھی 3-1 کی فیصلہ کن برتری حاصل کرلی۔ منگل کو اپنے ایک بیان میں ان کاکہنا تھا کہ اس سے قبل بھارت نے کم کرتے ہوئے میزبان ٹیم کو تیسرے ٹیسٹ میچ میں انگلینڈ کو 203 رنز سے شکست دی تھی۔