انٹیلی جنس بیورو میں بڑے پیمانے پر تبادلے

اسلام آباد(خبرنگارخصوصی) وفاقی حکومت کی جانب سے انٹیلی جنس بیورو(آئی بی)میں بڑے پیمانے پر تبادلے کردئیے گئے،پنجاب اورخیبرپختون کے 6اعلیٰ افسران کی خدمات وفاق کے حوالے کی گئی ہیں ۔اسٹببلشمنٹ ڈویژن کی جانب سے نوٹیفکیشن کے مطابق پنجاب میں تعینات پولیس سروس گروپ کے گریڈ 20 کے افسر محمد فاروق مظہر ،گریڈ 20 کے افسر شہزاد سلطان ،گریڈ 19کے افسر کیپٹن(ر) رومیل اکرم ،خیبر پختونخوا میں تعینات گریڈ 19 کے افسرکیپٹن(ر)طاہر ایوب کی خدمات آئی بی کے سپرد کی گئی ہیں جبکہ آئی بی میں تعینات پولیس گروپ کے گریڈ 21 کے افسر سردار علی خان اور گریڈ 19 کے افسر ساجد کیانی کی خدمات اسٹبلشمنٹ ڈویژن کے حوالے کردی گئی ہیں ۔