راشد منہاس شہید کی قبر پر پاک فضائیہ کے دستے کی سلامی-فاتحہ خوانی

کراچی(خبر ایجسیاں) یوم فضائیہ کے موقع پرشہید فلائٹ افسرراشدمنہاس کی قبرپرپاک فضائیہ کے چاک وچوبنددستے نے پھولوں کی چادرچڑھائی اور فاتحہ خوانی کی۔ پاک فضائیہ کی جانب سے یوم فضائیہ کے دن کے حوالے سے نشان حیدرپانیوالے فلائٹ افسر راشد منہاس کی قبرپرچاق وچوبنددستے نے سلامی دی۔ شہید راشد منہاس کی قبرپر ایئرچیف مارشل، مسرورایئربیس کے دستے اور راشدمنہاس کے بھائی انجم منہاس کی جانب سے پھولوں کی چادرچڑھائی گئی اوردعاکی گئی۔اس موقع پرایئروائس مارشل چوہدری احسان رفیق نے میڈیاسے بات کرتے ہوئے کہاکہ پاک فضائیہ آج بھی دشمن کوشکست دینے کیلئے تیارہے۔ شہید راشد منہاس نے ملک کیلئے جان کانذرانہ پیش کیا، جس پرانہیں نشان حیدرسے نوازاگیا۔