اولڈ سٹی ایریا کے شٹر کمیونٹی یونائیٹڈ گروپ میں شامل

کراچی (اسٹاف رپورٹر) اولڈ سٹی ایریا کے تاجر بھی ایم بی گروپ کے مخالف ہوگئے ۔ اولڈ سٹی ایریا کی شٹر کمیونٹی بھی ایس ایم منیر کی سرپرستی میں یونائیٹڈ گروپ میں شامل ہوگئی ۔ مقامی ہوٹل میں خطاب کرتے ہوئے آل کراچی تاجر اتحاد کے صدر عتیق میرنے اولڈ سٹی ایریا کے تمام تاجروں سے پیٹریاٹ گروپ کے حق میں ووٹ دلوانے کی یقین دہانی کرائی وہیں آل سٹی تاجر اتحاد کے صدر محمد شرجیل گوپلانی نے ’’امت‘‘ کو بتایا کہ انہوں نے پیٹریاٹ پینل کی حمایت کا اعلان بھی کیا اور ان کے لئے اپنی ایسوسی ایشن کے ارکان سے ووٹ دینے کا وعدہ بھی لیا ہے ۔ احمد شمسی نے کہاکہ ایک گروپ چیمبرپر قبضہ کررکھا ہے ۔ پیٹریاٹ گروپ نے تبدیلی کا وعدہ کیاہے اس لئے ہم نے حمایت کا اعلان کیا ہے ۔