سجاول میں 3لفٹر گرفتار 13 موٹر سائیکلیں برآمد

سجاول (نمائندہ امت) سجاول میں 3 لفٹر کو گرفتار کرکے 13 موٹر سائیکلیں برآمد کرلی گئیں۔ ملزمان نور حسن ماچھی، محمود پوانی اور عاشق ملاح کیخلاف مقدمہ درج کرلیا گیا۔ مزید تحقیقات جاری ہے۔ تفصیلات کے مطابق ایس ایس پی سجاول مسعود احمد بنگش نے صحافیوں کو بریفنگ دیتے ہوئے بتایا کہ گزشتہ چند ماہ کے دوران سجاول اور گرد و نواح میں 20 سے زائد موٹر سائیکلیں چوری اور چھینی گئی وارداتوں کو روکنے اور ملزمان کو گرفتار کرنے کیلئے سجاول پولیس کو سخت احکامات جاری کئے گئے بعدازاں پولیس نے کارروائی تیز کرتے ہوئے تین ملزمان نور حسن ماچھی، محمود پوانی اور عاشق ملاح کو گرفتار کرکے 13 موٹر سائیکلیں برآمد اور ملزمان کیخلاف مقدمہ درج کرکے مزید تحقیقات شروع کردی گئی ہے۔