ضمنی انتخابات کیلئے پی ٹی آئی امیدواروں کا اعلان

اسلام آباد(مانیٹرنگ ڈیسک)تحریک انصاف نے ضمنی انتخابات کے لئے امیدواروں کے ناموں کا اعلان کردیا۔مرکزی سیکرٹری اطلاعات و ترجمان پی ٹی آئی فواد چوہدری نے کہا کہ این اے 56 سے ملک خرم ، 53 سے علی اعوان، این اے 63 سے منصور حیات خان، 131 سے ہمایوں اختر خان، این اے 243 سے محمد عالمگیر خان، 247 سے آفتاب صدیقی انتخاب میں حصہ لیں گے۔ترجمان کے مطابق پی کے 3 سے ساجد علی، پی کے 7 سے فضل مولا، پی کے 97 سے فیصل امین خان، پی کے 78 سے محمد عرفان، پی کے 99 سے آغا اکرام اللہ گنڈاپور، پی ایس 87 سے سردار قادر بخش، پی پی 27 سے شاہنواز راجہ، پی پی 272 سے زہرہ بتول اور پی پی 296 سے اویس دریشک تحریک انصاف کے امیدوار ہوں گے۔