گڈانی میں کوچ اور رکشے میں تصادم- 2 خواتین جاں بحق

کراچی(اسٹاف رپورٹر)گڈانی میں مسافرکوچ اور رکشے میں تصادم کے نتیجے میں 2خواتین جاں بحق ہوگئیں۔ گڈانی موڑ حب چوکی کے قریب تیز رفتار مسافر کوچ رکشے پر چڑھ دوڑی، حادثے کے نتیجے میں رکشے میں سوار خواتین اور بچوں سمیت 9افراد زخمی ہوگئے۔ زخمیوں کو فوری طبی امداد کے لئے سول اسپتال کراچی منتقل کیا، جہاں دوران علاج دو خواتین نسیم زوجہ عمر اور مریم زوجہ سلمان زخموں کی تاب نہ لاتے ہوئے جاں بحق ہوگئیں جبکہ زخمیوں میں زینب، اسلم، شاہزیب منشا ، ڈھائی سالہ ایان ولد اسلم اور ڈیڑھ سالہ محرم ولد عمر شامل ہیں ۔متاثرہ خاندان نیو کراچی کے رہائشی بتائے جاتے ہیں۔