شمالی وزیرستان میں 4 دہشت گرد مارے گئے – 3 جوان شہید

اسلام آباد/ بنوں(مانیٹرنگ ڈیسک/ ایجنسیاں)شمالی وزیرستان میں سیکورٹی فورسز نے آپریشن کر تے ہو ئے 4 دہشتگرد وں کو ہلاک کر دیا ہے جبکہ کارروائی کے دوران پاک فوج کے3جوانوں نے جام شہادت نوش کیا ہے۔پاک فوج کے شعبہ تعلقات عامہ کے مطابق دہشت گردوں سے فائرنگ کے تبادلے میں شہید ہونے والوں میں نائب صوبیدارنذیراحمدچانڈیو،سپاہی فخراورعامرشامل ہیں۔آپریشن میں بدنام زمانہ دہشتگردآفتاب بھی ماراگیا جودسمبر 2017 میں سیکورٹی فورسزپرحملے میں ملوث تھا۔ پاک فوج کی جانب سے علاقے کوکلیئرقراردےدیاگیاہے ۔دریں اثنا ذرائع کے مطابق شمالی وزیرستان کی تحصیل بو یا کے علاقہ پادامی کلہ اور خٹی کلہ میں دہشتگردوں نے سیکورٹی فورسز پر فائرنگ کی تھی ۔