کراچی بار میں بیگم کلثوم نواز کیلئے قرآن خوانی

کراچی(اسٹاف رپورٹر)مسلم لیگ(ن) کراچی سندھ لائرز فورم کے تحت کراچی بار میں بیگم کلثوم نواز کے ایصال ثواب کے لئے قرآن خوانی کی گئی، جس میں سید ازہر شاہ ہمدانی، قاضی زاہد، سندھ ہائی کورٹ بار کے صدر سلیم منگریو ، کراچی بار کے صدر حیدر امام رضوی، جنرل اشفاق احمد ، نعیم قریشی، میر خالد مروت، افتخار جاوید قاضی،سید منور رضا، اسلم خٹک و دیگر نے شرکت کی۔مرحومہ کی مغفرت اور اہلخانہ کے لیے دعا کی گئی۔وکلا رہنماؤں نے کہا کہ بیگم کلثوم نواز نے جمہوریت کی بحالی کے لیے بڑی جدوجہد کی۔کلثوم نواز کا کراچی بار سے خطاب وکلا برادری کے لیے اعزاز کی بات ہے۔