ایشیا کپ میں پاکستان نے ہانگ کانگ کو8وکٹوں سے ہرا دیا

دبئی (خبر ایجنسیاں) پاکستان نے ایشیا کپ کے دوسرے میچ میں ہانگ کانگ کو 8وکٹوں سے ہرا دیا ۔ہانگ کانگ کی پوری ٹیم ٹاس جیت کر پہلے بیٹنگ کرتے ہوئے 116رنز بنا کر آوٹ ہو گئی۔ہانگ کانگ کی جانب سے اعزاز خان 27اور کنچت شاہ 26رنز بناکر نمایاں رہے ۔عثمان شنواری نے 3جبکہ شاداب خان اورحسن علی نے دو دو کھلاڑیوں کو آوٹ کیا ایک وکٹ فہیم اشرف نے حاصل کی پاکستان کی جانب سے اننگز کا آغاز فخر زمان اور امام الحق نے کیا ۔ 41کے مجموعی اسکور پر فخر زمان 24رنز بنا کر آؤٹ ہو گئے۔ان کے بعد امام الحق اور بابر اعظم کے درمیان 52رنز کی شراکت ہوئی اور 93کے اسکور پر بابر اعظم احسان خان کی گیند پرکیچ آؤٹ ہو گئے۔امام الحق نے شاندار بلے بازی کرتے ہوئے اپنی ففٹی مکمل کی اور 50رنز بنا کر ناٹ آؤٹ رہے۔