میڈیکل کالجز میں داخلوں کا جھانسہ دیکر رقم بٹورنے والے گروہ کا سربراہ گرفتار

کراچی(اسٹاف رپورٹر)ڈیفنس پولیس نے کارروائی کرتے ہوئے طلبہ کو این ٹی ایس میں پاس اور میڈیکل میں داخلہ دلوانے کا جھانسہ دیکر پیسے بٹورنے والے گروہ کا سربراہ کوگرفتارکرلیا۔پولیس کے مطابق وقار نامی شخص نے طلبہ ماریہ سے داخلہ دلانے کے بہانے سات لاکھ روپے لیے تھے،ایڈیشنل آئی جی امیر شیخ نے معاملے کا نوٹس لیتے اے ایس پی شاہراہ فیصل رضوان طارق کو انکوائری افسر مقرر کیا تھا۔ٹیم نے اتوار کی شام کو کارروائی کرکے ملزم وقار کو گرفتار کرکے مزید تین ملزمان کے خلاف مقدمہ درج کرکے تفتیش شروع کردی ہے۔