ڈیموں کی تعمیر سے ملک سرسبز – زراعت اور معیشت ترقی کرے گا – علامہ فاروق انور شاہ کاظمی

کراچی (پ ر) امیر جماعت اسلامی تحفظ حقوق اہلسنت علامہ فاروق انور شاہ کاظمی نے کہاہے کہ ڈیموں کی تعمیر سے ملک سرسبز شاداب بنے گا ملک میں قلت آب کا مسئلہ سنگین صورت اختیار کرتے جارہا ہے انہوں نے کہاکہ نئے ڈیموں کی تعمیر سے لوڈ شیڈنگ کا سلسلہ تھم جائے گا۔ جتنے زیادہ ڈیم بنیں گے ملک کے وسائل بڑھیں گے اور مسائل کم ہوں گے اور زرعی پیداوار میں اضافہ بھی ہوگا ۔ انہوں نے مزید کہاکہ چیف جسٹس کے اقدام سے قوم میں بیداری کی لہر دوڑ گئی ہے اب ضرورت اس امر کی ہے کہ قوم ڈیم فنڈز میں عطیات جمع کرکے ملک کی ترقی میں اپنا کردار اداکریں ۔