سجاول سے نایاب – تیتر – مرغابیاں برآمد
کراچی(اسٹاف رپورٹر) محکمہ تحفظ جنگلی حیات نے سجاول میں چھاپہ مار کر نایاب نسل کے بھورے تیتر اور مرغابیاں تحویل میں لے لیں۔ تفصیلات کے مطابق محکمہ تحفظ جنگلی حیات سندھ نےسجاول میں بدنام زمانہ افضل شیدی کی دکان پرچھاپہ مارکر نایاب نسل کے 17بھورے تیتر اور 35 مرغابیاں قبضے میں لے لیں جبکہ ملزم فرار ہوگیا۔ انسپکٹر نعیم نےامت کو بتایا کہ افضل شیدی کئی ماہ سے نایاب تیتر اور مرغابیاں فروخت کررہا تھا، مخبر کی اطلاع پرتیتر اور مرغابیاں برآمد کی گئیں ۔جنہیں کھیر تھر نیشنل پارک میں چھوڑ ا جائے گا۔
