لاستھ مالنگا نے ڈینئل ویٹوری کا ریکارڈ برابر کر دیا
دبئی(امت نیوز) سری لنکن ٹیم کے مایہ ناز فاسٹ بائولر لاستھ مالنگا نے ون ڈے انٹرنیشنل کرکٹ میں سابق کیوی بائولر ڈینئل ویٹوری کی زیادہ وکٹوں کا ریکارڈ برابر کر دیا، اسطرح وہ زیادہ وکٹیں لینے والے مشترکہ طور پر دنیا کے 12ویں بائولر بن گئے ہیں، انہوں نے ایشیا کپ کرکٹ ٹورنامنٹ میں بنگلہ دیش کے خلاف افتتاحی میچ میں 4 وکٹیں لیکر یہ اعزاز حاصل کیا، اس کے ساتھ مالنگا اور ویٹوری کی وکٹوں کی تعداد برابر ہو گئی۔
