مختلف علاقوں سے 3مفرور ملزمان سمیت15گرفتار۔اسلحہ ۔منشیات برآمد

کراچی (اسٹاف رپورٹر)پولیس نے مختلف کارروائیوں میں 3مفرور ملزمان سمیت 15کو گرفتار کرکے اسلحہ ، منشیات اور موٹر سائیکلیں برآمد کرلیں ۔تفصیلات کے مطابق تیموریہ سے4 منشیات فروشوں عاشق ، آصف ، روہیل عرف راشد بنگالی اور طارق کو گرفتار کرکے بھاری مقدار میں منشیات برآمد کرلی ، جبکہ 3 مفرور ملزمان علی ، غلام اعظم اور تاجدار کو گرفتار کرلیا گیا ، اقبال مارکیٹ پولیس نے ذیشان اور امیر کو گرفتار کرکے اسلحہ برآمد کرلیا، گلبہار پولیس نے محمد الیاس کو گرفتار کرکے منشیات برآمد کرلی ، کورنگی صنعتی ایریا پولیس نے ملزم احسن کو زخمی حالت میں گرفتار کرکے اسلحہ اور موٹر سائیکل برآمد کرلی ، مبینہ ٹاؤن پولیس نے آصف اور محمد سردار کو گرفتار کرکےموٹر سائیکل اور پارٹس برآمد کرلیے ، سہراب گوٹھ پولیس نے مقابلے کے بعد زخمی ملزم یعقوب اور اسکے دو ساتھیوں شیر ولی اور امجد خان کو گرفتار کرکے اسلحہ اور موٹر سائیکل برآمد کرلی ، پی آئی بی پولیس منشیات فروش نذیر احمد کو گرفتار کرلیا۔