ملیرسے لاپتہ ہونیوالا بچہ ایک روز بعد گھر پہنچ گیا

کراچی (اسٹاف رپورٹر)ملیرسے لاپتہ ہونے والا 12سالہ بچہ ایک روز بعد گھر پہنچ گیا۔تفصیلات کے مطابق ملیر سٹی تھانے کی حدود نظر علی ٹاؤن کا رہائشی 12سالہ حسنین ولد خادم نبی 15ستمبر کی سہ پہر 4بجے گھر سے ٹیوشن سینٹر جانے کے لیے نکلا تھا ، جس کے بعد سے وہ لاپتہ ہو گیا تھا۔پولیس کے مطابق پیر کو حسنین گھر پہنچ گیا۔ بچہ گھر سے 15 ہزار کی رقم لے کر چلاگیا تھا، جس کے بعد وہ قائد آباد مارکیٹ میں گھومتا رہا۔بچے کے والد نے بتایا کہ قائد آباد کی مارکیٹ سے بچے نے اپنے لیے کپڑے بھی لیے اور اس نے شام مسجد میں گزاری۔مسجد بند ہونے پر رات بھر سڑکوں پر گھومتا رہا۔پیسے ختم ہونے پر وہ گھر واپس پہنچ گیا۔