جامعہ اردو بی اے پرائیویٹ امتحانات میں صرف 578امیدوار کامیاب

کراچی (اسٹاف رپورٹر)جامعہ اردو کے بی اے سال اول و دوم پرائیویٹ کے 1900میں سے 1300سے زائد امیدوار فیل ہو گئے ،صرف 578کامیاب ہوسکےاس طرح کامیابی کا تناسب سال اول میں18.65 اور سال دوم میں 42.43فیصد رہا ۔ناظم امتحانات غیاث الدین کے مطابق بی اے( سال اول و دوم)پرائیویٹ سالانہ امتحانات2016کے نتائج کا اعلان کردیا گیا ہے۔بی اے (سال اول) کے امتحانات میں1017طلباء رجسٹرڈہوئے جن میں 949نے امتحانات میں شرکت کی اور 177 کامیاب قرار پائے ۔جبکہ بی اے( سال دوم )کے امتحانات میں 969طلباء رجسٹرڈہوئے جن میں سے945نے امتحان میں شرکت کی اور 401کامیاب ہو ئے۔ جبکہ مجموعی رزلٹ42.43 فیصدرہا۔