لندن میں کار پل سے ٹکراگئی-3 مسلمان شہری زخمی

لندن (امت نیوز) لندن میں تیز رفتار کار پل سے ٹکرانے کے نتیجے میں 3 مسلمان شہری زخمی ہوگئے، جنہیں اسپتال منتقل کر دیا گیا ہے، پولیس کا کہنا ہے کہ واقعے کا دہشت گردی سے کوئی تعلق نہیں ہے۔ میٹروپولیٹن پولیس حکام کے مطابق واقعہ شمال مغربی لندن میں پیش آیا، جہاں ایک تیز رفتار گاڑی پیدل راہ گیروں کیلئے قائم پل سے ٹکرا گئی، جس کے نتیجے میں 3 مسلمان شہری زخمی ہوگئے، جنہیں فوری طور پر اسپتال منتقل کردیا گیا۔ حکام کا مزید کہنا تھا کہ ابتدائی تفتیش میں دہشت گردی کا کوئی سراغ نہیں ملا، تاہم مذہبی منافرت کے پہلو کو نظر انداز نہیں کیا جاسکتا، واقعے کی تام زاویوں پر تحقیقات کی جا رہی ہیں