بھینس کالونی سےلاپتہ لڑکادوروز بعد سرگودھا سے مل گیا

کراچی(اسٹاف رپورٹر )بھینس کالونی سے دو روز قبل لاپتہ ہونے والا 12سالہ لڑکا سرگودھا سے مل گیا ۔ تفصیلات کے مطابق بھینس کالونی کےرہائشی محمد لطیف نے پولیس کو دی گئی درخواست میں موقف اختیار کیا تھا کہ اس کا بیٹا 12سالہ رمیز احمد منگل سے لاپتہ ہے اور تلاش کے باوجود اس کا سراغ نہیں ملا ۔پولیس نے درخواست وصول کرکےرمیز کی تلاش شروع کردی تاہم گذشتہ روز پولیس کو رمیز کی سرگودھا میں موجودگی کی اطلاع ملی ۔ایس ایچ او سرفراز خان نے بتایا کہ رمیز گھر والوں سے ناراض ہو کر گھر سے نکلا تھا اور ٹرین میں بیٹھ کرسرگودھا پہنچ گیا جہاں اس کے رشتہ داروں نے ورثا کو فون کر کےاطلاع دی جس پر والدین اسے لینے سرگودھا روانہ ہو گئے ہیں ۔