الخدمت چائلڈ کیریکٹر ڈیولپمنٹ پروگرام کے تحت تربیتی ورکشاپس

کراچی(پ ر)الخدمت چائلڈ کیریکٹر ڈیولپمنٹ پروگرام کے تحت لیاری اور نیو کراچی میں یتیم بچوں کے لیے تربیتی ورکشاپس منعقد ہوئیں،جن میں ”دوسروں کو معاف کرنا“ کے موضوع پر محمد ہارون راجپوت نے لیکچرز دیے۔بچوں کو دستاویزی فلم بھی دکھا ئی گئی، جس میں انہیں دوسرں کو معاف کرنے کے فوائد بتا ئے گئے، جبکہ اس اخلاقی قدر کے حوالے سے عملی مظاہرہ بھی کروایا گیا۔تقریبات میں بچوں کو سیرت نبویؐ ،حقوق اللہ اور صحابہ کرامؓ کی سیرت کے مختلف گوشوں کے حوالے سے آگہی دی گئی۔