شہر سے آوارہ کتوں کا خاتمہ کیا جائے- اشرف بنگلوری

کراچی (پ ر) کراچی ٹرانسپورٹ ایکشن کمیٹی کے صدر اشرف بنگلوری نے میئر کراچی سے مطالبہ کیا ہے کہ شہر سے آوارہ کتوں کا خاتمہ کیا جائے۔آوارہ کتوں کی بھرمار ہے جو ناصرف عوام کو نقصان پہنچارہے ہیں، بلکہ ٹریفک حادثات کا سبب بھی بن رہے ہیں۔ لیاری، اورنگی، نیوکراچی اور لیاقت آباد میں آوارہ کتے اچانک سڑکوں پر آجاتے ہیں، جنہیں بچانے کے چکر میں حادثات رونما ہورہے ہیں۔ انہوں نے کہا کہ پچھلے ہفتے لیاقت آباد میں آوارہ کتے کے اچانک سڑک پر آجانے سے حادثے میں خاتون جاں بحق ہوگئی۔ لیاقت آباد10پر پل کے نیچے کتوں کی بھرمار ہے۔ جو کہ حادثات کا سبب بن رہے ہیں۔