جمعیت کا پری میڈیکل کے طلباء کیلئے سیلف اسسمنٹ ٹیسٹ کا اعلان

کراچی(اسٹاف رپورٹر)اسلامی جمعیت طلبہ ڈاؤ یونیورسٹی اور جناح سندھ میڈیکل یونیورسٹی نے اعلان نے کیا ہے کہ میڈیکل یونیورسٹی میں داخلے کے خواہشمند طلبہ کے لیے سیلف اسسمنٹ ٹیسٹ 14اکتوبر(اتوار) کو ڈرائیو ان مرکز بینکوئٹ نزد ملینیم مال میں ہوگا۔امسال پہلی مرتبہ آن لائن رجسٹریشن اور منی ٹرانسفر کی سہولت متعارف کرائی گئی ہے۔ترجمان جمعیت کا کہنا ہے کہ اب طلبہ گھر بیٹھے اپنی رجسٹریشن کنفرم کروا کر ایڈمٹ کارڈ حاصل کر سکتے ہیں۔داخلہ رہنمائی کیمپ جمعہ کو ڈاو میڈیکل کالج اور سندھ میڈیکل کالج کے باہر لگائے جائیں گے۔