خلیل نینی تال والا کی جانب سے وومن پولیس اسٹیشن صدر کا افتتاح

کراچی(بزنس رپورٹر)میڈی کیم گروپ آف کمپنیزکی جانب سے عوام کو سہولت مہیا کرنے اور شہر کو خوبصورت بنانے کے لئے کراچی،فیصل آباد، حیدر آباد اور لاہور کی شاہراہوں، چورنگیوں اور ٹریفک پولیس چوکیوں کو خوبصورت بنانے کا سلسلہ کافی عرصے سے جاری ہے ۔اس سلسلے میں وومن پولیس اسٹیشن صدر نزد گورا قبرستان تعمیر کروایا گیا ہے۔چیئرمین میڈی کیم گروپ خلیل احمد نینی تال والا نے سی سی پی او کراچی ڈاکٹر امیر شیخ ،جنید خلیل نینی تال والااور ظفر ریاض باری کے ہمراہ ویمن پولیس اسٹیشن صدر کا افتتاح کیا۔خلیل نینی تال والا نے کہا کہ ہمارا مقصد ملک میں بڑھتے ہوئے ٹریفک کے مسائل کو حل کرنا ہے۔ آئندہ بھی تعاؤ ن جاری رہے گا۔ڈاکٹر امیر شیخ نے خلیل احمد نینی تال والا اور اُن کے ادارے کا شکریہ ادا کیا اور امید ظاہر کی کہ میڈی کیم گروپ آئندہ بھی ایسے کاموں کے لئے ہمارے ساتھ تعاون جاری رکھے گا۔اس موقع پر ایم ڈی میڈی کیم گروپ جنید خلیل نینی تال والا ،ڈائریکٹر ایڈمن میڈی کیم ظفرریاض باری ،جاوید کیانی ،محمد شعیب ،عمر خان و دیگر بھی موجود تھے۔