جاوید آفریدی کی چیئرمین پی سی بی احسان مانی سے ملاقات
کراچی(بزنس رپورٹر)پاکستان سپر لیگ فرنچائز پشاور زلمی کے چیرمین جاوید آفریدی نے چیرمین پی سی بی احسان مانی سے قذافی اسٹیڈیم لاہور میں ملاقات کی اور عہدہ سنبھالنے پر مبارکباد دی۔جاوید آفریدی نے کہا کہ پشاور زلمی کی پوری سپورٹ نئے چیرمین کو حاصل رہے گی۔احسان مانی نے کرکٹ کے فروغ کے لیے پشاور زلمی اور زلمی فاؤنڈیشن کی خدمات کو سراہا۔خصوصی طور پر زلمی اسکول لیگ اور زلمی مدرسہ لیگ کی تعریف کی۔
