سوکا فیڈریشن کو پاکستان میں یونٹ کرانے کی پیشکش

اسلام آباد ( امت نیوز)پاکستان نے انٹرنیشنل سوکا فیڈریشن کو ایشیا سوکا کپ اور انٹرنیشنل ٹورنامنٹ کرانے کی پیشکش کر دی جس کے بعد ملک میں انٹرنیشنل فٹبال کی بحالی کے امکانات روشن ہو گئے ہیں۔ تفصیلات کے مطابق پرتگال میں جاری پہلے سوکا ورلڈ کپ کے دوران انٹرنیشنل سوکا فیڈریشن کے نائب صدر اور ورلڈ گروپ کے صدر شاہ زیب ٹرنک والا نے بین الاقوامی ٹورنامنٹ کی میزبانی کی پیشکش انٹرنیشنل سوکا فیڈریشن کو کی۔ شاہ زیب ٹرنک والا نے کہاکہ پاکستان منی ورلڈ کپ کی طرز پر ایشیائی ممالک کا میگا ایونٹ منعقد کرنے کو تیار ہے اور کسی بھی انٹرنیشنل ایونٹ کی میزبانی کرنے کا پاکستان پوری اہلیت رکھتا ہے، انہوں نے کہاکہ سوکا ورلڈ کپ کے دوران عالمی فیڈریشن کیساتھ بات چیت جاری ہے,امید ہے انٹرنیشنل سوکا فیڈریشن پاکستان کو میزبانی دے گا۔