خیبر پختونخوا فٹ سال ٹیم کے ٹرائلزآج ہوں گے

اسلام آباد(امت نیوز) خیبر پختونخوا فٹ سال ایسوسی ایشن کے زیراہتمام خیبر پختونخوا فٹ سال ٹیم کے چنائو کے سلسلہ میں ایک روزہ ٹرائل (آج ) ہفتہ کو صبح دس بجے سے سہ پہر تین بجے تک ایتھنٹک کالج فار سائنسز، نوشہرہ روڈ، مردان میں ہونگے، خیبر پختونخوا فٹ سال ایسوسی ایشن کے جنرل سیکرٹری معین الدین نے بتایاکہ ٹرائلز میں صوبے بھر کے کھلاڑی حصہ لے سکتے ہیں، کھلاڑیوں کے چنائو کے سلسلہ میں سلیکشن کمیٹی کے چیئرمین حاجی افرآسیاب (سوات) ہونگے جبکہ ممبران میں الطاف احمد، سیف اللہ، حضرت عثمان، شان شاہ خان، عظمت اللہ شامل ہیں، انہوں نے کہا کہ ٹیم کے لئے 16 کھلاڑیوں کا انتخاب میرٹ کی بنیاد پر کیا جائے گا۔