سیوریج پانی کے تالابوں سے سیکٹر 5 ڈی نیوکراچی کے مکین اذیت کا شکار

کراچی (پ ر) نیوکراچی سیکٹر5ڈی کے علاقے میں جگہ جگہ سیوریج پانی کے گندے تالابوں اور کچرے کے ڈھیروں نے علاقہ مکینوں کو اذیت میں ڈال دیا ہے۔ سیوریج نظام مکمل طورپر ناکارہ ہونے کے باعث کالا اسکول عامر حسین شہید ڈسپنسری، بلاک 71 اور دیگر مقامات پر سیوریج کا پانی جوہڑکی شکل اختیارکرگیا ہے جس کے باعث علاقہ مکینوں نے کمسن بچوں کو گھر سے نکلنا بند کردیا، جبکہ علاقے کے نمازی لوگ بھی سخت پریشان ہیں اور وہ گندگی کی وجہ سے نماز پڑھنے مسجد بھی نہیں جاسکتے ، علاقہ مکینوں نے واٹربورڈ حکام اور یوسی بلدیاتی انتظامیہ سے مطالبہ کیا کہ وہ عوام کو سیوریج اور گندگی کے عذاب سے نجات دلائی جائے ۔