شاہ لطیف میں فا ئرنگ-ڈنڈوں سے باپ بیٹے سمیت 5زخمی

کراچی(اسٹاف رپورٹر)شاہ لطیف میں چھپرا بنانے پر جھگڑے کے دوران گولی اور ڈنڈے لگنے سے 5افراد زخمی ہو گئے۔پولیس نے11افراد کو حراست میں لے کر تفتیش شروع کردی ۔ تفصیلات کے مطابق عمر ماروی گوٹھ تنولی محلہ میں خائستہ خان کا اپنے پڑوسی گلزار سے گھر کے پاس چھپرا بنانے پر جھگڑا ہوگیا ۔فریقین نےلاٹھیوں اور ڈنڈوں کے علاوہ فائرنگ بھی کی جس کے نتیجے میں باپ بیٹے سمیت 5 افراد زخمی ہوگئے۔ اطلاع ملتے ہی پولیس نے موقع پر پہنچ کر زخمیوں خائستہ خان ،سردار بہادر ،فرحان ،فرحان علی اور عبدالوحید کو جناح اسپتال منتقل کیا۔ پولیس نے 11فراد کو حراست میں لے کر تفتیش شروع کردی ہے ۔