قائد اعظم ٹرافی میں آج آٹھ میچوں کا فیصلہ ہوگا
راولپنڈی (امت نیوز) قائد اعظم ٹرافی ون ڈے کرکٹ ٹورنامنٹ میں (آج) اتوار کو مزید آٹھ میچوں کا فیصلہ ہوگا۔ تفصیلات کے مطابق پی سی بی کے زیر اہتمام قائد اعظم ٹرافی ون ڈے ٹورنامنٹ کے سنسنی خیز مقابلوں کا سلسلہ جاری ہے، ایونٹ کے چوتھے مرحلے کا آغاز اتوار سے ہوگا۔ راولپنڈی اور واپڈا کی ٹیمیں راولپنڈی کرکٹ سٹیڈیم میں آمنے سامنے ہوں گی، فاٹا اور حبیب بنک کے درمیان میچ ایبٹ آباد سٹیڈیم میں کھیلا جائے گا۔ پشاور ریجن اور سوئی نادرن گیس پائپ لائنز لمیٹڈ کی ٹیمیں اقبال سٹیڈیم، فیصل آباد میں مدمقابل ہوں گی۔
