اللہ سب دیکھ رہا ہے،ضرور انصاف کرے گا-نوازشریف

مری(مانیٹرنگ ڈیسک)مسلم لیگ( ن)کے قائد نوازشریف نے کہا ہےکہ اﷲ سب کچھ دیکھ رہا ہے، مجھے امید ہے رب العزت ہمارے ساتھ انصاف ضرور کرینگے مری میں تعزیت کیلئے آنے والے لیگی کارکنوں سے گفتگو کرتے ہوئے نواز شریف نے کہا کہ بیگم کلثوم نواز مضبوط اعصاب کی مالک خاتون تھیں، لندن روانگی کے وقت نم آنکھوں کے ساتھ ہمیں دیکھا، بیماری کے دوران اور سانسوں کی رخصتی کے وقت ہم انکے ساتھ نہیں تھے، یہ دکھ زندگی بھر رہیگا، اﷲ تعالیٰ کی ذات یہ سب کچھ دیکھ رہی ہے اور مجھے امید ہے رب العزت ہمارے ساتھ انصاف ضرور کرے گا۔ لیگی عہدیداروں نے نواز شریف سے تعزیت کرتے ہوئے بیگم کلثوم نواز کی مغفرت اور درجات کی بلندی کیلئے دعا کی۔