دوسرا چیف آف نیول اسٹاف ہاکی ٹورنامنٹ آج شروع ہوگا

راولپنڈی(امت نیوز) دوسرا چیف آف نیول سٹاف آل پاکستان ہاکی ٹورنامنٹ (آج) پیر سے نیشنل ہاکی سٹیڈیم میں شروع ہوگا۔ 7 اکتوبر تک جاری رہنے والے اس ٹورنامنٹ میں ڈیپارٹمنٹ کی آٹھ ٹیمیں شرکت کریں گی جن میں واپڈا، نیشنل بنک، سوئی سدرن گیس کمپنی، سوئی نادرن گیس پائپ لائنز لمیٹڈ، پولیس، پورٹ قاسم اتھارٹی، پاکستان ایئر فورس اور پاکستان نیوی شامل ہیں۔ ان ٹیموں کو دو گروپوں میں تقسیم کیا گیا ہے۔