فیفا ویمنز رینکنگ میں امریکن ٹیم کی حکمرانی

زیورخ (امت نیوز) امریکن ٹیم فیفا کی تازہ ترین ویمنز رینکنگ میں بدستور پہلے نمبر پر براجمان ہے، انگلینڈ نے ایک درجہ ترقی پا کر فرانس سے تیسری پوزیشن چھین لی، سویڈن کی دو درجے ترقی کے بعد ٹاپ ٹین میں انٹری ہوئی ہے۔ فیفا نے تازہ ترین ویمنز ٹیموں کی رینکنگ جاری کر دی جس کے تحت امریکن ٹیم بدستور سرفہرست ہے، جرمنی کا دوسرا نمبر برقرار ہے، انگلینڈ نے ایک درجہ ترقی کے ساتھ ہی فرانس کو تیسری پوزیشن سے محروم کر دیا، فرانس ایک درجہ تنزلی کے بعد چوتھے نمبر پر چلی گئی، کینیڈین ٹیم پانچویں نمبر پر موجود ہے، آسٹریلوی ٹیم دو سیڑھیاں چڑھ کر چھٹے نمبر پر آ گئی۔