شیر شاہ میں سلنڈر پھٹنےسےمیاں بیوی -2بچیاں زخمی

کراچی (اسٹاف رپورٹر)شیرشاہ میں کھانے پکانے کے دوران سلنڈر پھٹ گیا جس کے نتیجے میں میاں بیوی اور دو بچیاں زخمی ہوگئیں جنہیں نجی اسپتال میں طبی امداد دی گئی ۔تفصیلات کے مطابق عالم گیر روڈ پر عباسی مسجد کے قریب فلیٹ میں زور دار دھماکہ ہواجس کی آواز دور تک سنائی دی گئی۔اطلاع ملتے ہی پولیس اور ریسکیو ادارے کے رضا کار موقع پر پہنچ گئےاور زخمیوں کو اسپتال پہنچایا ، دھماکے کے نتیجے میں گھر میں رکھا سامان تباہ ہوگیا ، ایس ایچ او انعام حسین جونیجو نے بتایا کہ فلیٹ میں کھانے پکانے کے دوران سلنڈر پھٹنے سے دھماکہ ہوا ۔