پشاور یونیورسٹی میں پولیس گردی کیخلاف جامعہ کراچی کے طلباء کا مظاہرہ

کراچی(اسٹاف رپورٹر)پشاور یونیورسٹی میں پولیس گردی پر جامعہ کراچی کے طلباء نے احتجاجی مظاہرہ کیا۔طلبہ کا کہنا تھا کہ فیسوں میں اضافے کے خلاف احتجاج طلباء کا حق ہے، جو انتظامیہ نے سلب کیا ہے۔اسلامی جمعیت طلبہ جامعہ کراچی کے ناظم عبدالاحد طلحہ نے کہا کہ نئے پاکستان میں وہی پرانے پاکستان کا کالا قانون نافذ ہے۔اگر مطالبات منظور نہیں کیے گئے تو بنی گالا کا گھیراؤ بھی ہوسکتا ہے۔