ویمن کرکٹ میں جنوبی افریقہ نے ویسٹ انڈیز کو شکست دیدی

کنگسٹن(امت نیوز) لیزیلی لی اور ول وارڈ کی نصف سنچریوں کی بدولت جنوبی افریقہ کی ویمن ٹیم نے میزبان ویسٹ انڈیز ویمن کو چوتھے ٹی ٹونٹی انٹرنیشنل کرکٹ میچ میں 8 وکٹوں سے شکست دے دی۔ پانچ میچوں کی سیریز میں میزبان ویسٹ انڈیز ٹیم کی 2-1 سے برتری برقرار ہے۔ فاتح ٹیم نے 136 رنز کا ہدف 18.4 اوورز میں 2 وکٹوں پر حاصل کیا، لیزیلی لی 54 اور ول وارڈ کے ناقابل شکست 54 رنز نے اپنی ٹیم کی فتح میں اہم کردار ادا کیا۔ ویسٹ انڈیز کی میکلین کی ناقابل شکست 57 رنز کی اننگز رائیگاں گئی، جنوبی افریقہ کی سیخوخونی نے 2 کھلاڑیوں کو آئوٹ کیا۔