نجی تعلیمی اداروں میں کولڈ ڈرنکس ۔فلیور ڈراسنیکس پر پابندی عائد

کراچی(مانیٹرنگ ڈیسک) محکمہ تعلیم سندھ نے صوبے بھر کے نجی تعلیمی اداروں میں کولڈڈرنکس اور فلیور اسنیکس پر پابندی عائد کردی ۔نوٹیفکیشن کے مطابق نجی اسکولوں اور کالجوں کی کنٹینزپر صرف حفظان صحت کے اصولوں پر پوری اترنے والی اشیا ہی فروخت ہوں گی غیر معیاری اشیا کی فروخت پر سخت کارروائی کی جائیگی ۔واضح رہے کہ سندھ فوڈ اتھارٹی کے پینل نے ماہ ستمبر میں اسکولز اور کالجز کے کھانوں کے معیار کو چیک کر کے رپورٹ محکمہ تعلیم کو دی تھی جس پر کارروائی کرتے ہوئے اسکولز ۔کالجز کی کنٹینز پر تمام غیر معیاری اشیاکی فروخت پر پابندی عائد کردی گئی ہے۔