آئی ایم ایف جانے پر وزیر اعظم کو منانے میں وزیر خزانہ کامیاب

اسلام آباد(مانیٹرنگ ڈیسک) پاکستان نے عالمی مالیاتی فنڈ(آئی ایم ایف) سے رجوع کرنے کا فیصلہ کرلیا،باقاعدہ درخواست دی جائے گی،وزیراعظم نے اتفاق کرلیا۔وزارت خزانہ کے ذرائع کے مطابق وفاقی وزیر خزانہ اسدعمر کی سربراہی میں وزارت خزانہ کی ٹیم نے اس حوالے سے وزیراعظم عمران خان کو بریفنگ دی ہے۔ذرائع وزرات خزانہ کا کہنا ہے کہ آئی ایم ایف پروگرام مالی ضروریات کے علاوہ بین الاقومی اداروں میں ملک کی ساکھ بھی بہتر بنائے گا جبکہ وزیراعظم عمران خان نے وزارت خزانہ کی تجاویز سے اتفاق کیا ہے۔ذرائع نے بتایا کہ آئی ایم ایف کو باقاعدہ درخواست اس سال کے آخر تک کی جائےگی جب کہ آئی ایم ایف بھی پاکستان کو مالیاتی پروگرام دینے میں آمادگی کا اظہار کر چکا ہے۔ذرائع کے مطابق حکومت کو اس سال اپنی ضروریات پوری کرنے کے لیے 8 سے 9 ارب ڈالر درکار ہیں تاہم حکومت اس پروگرام کو بیل آؤٹ پیکج کا نام نہیں دینا چاہتی ہے۔دوسری جانب وفاقی وزیر خزانہ اسد عمر کا کہنا ہے کہ آئی ایم ایف سے رجوع کرنے کا فی الحال کوئی فیصلہ نہیں ہوا تاہم آئی ایم ایف سے پروگرام لینے یا نہ لینے کے بارے میں جلد فیصلہ کریں گے۔واضح رہے کہ لاہور میں پریس کانفرنس کے دوران وزیر اعظم عمران خان عالمی مالیاتی فنڈ (آئی ایم اف) کے پاس جانے کا عندیہ دے چکے ہیں۔ان کا کہنا تھا کہ ہوسکتا ہے آئی ایم ایف کے پاس بھی جانا پڑے، ابھی دیکھ رہے ہیں کہ ہمارے پاس کیا آپشنز ہیں۔دوسری جانب وفاقی وزیر خزانہ اسد عمر کا کہنا ہے کہ آئی ایم ایف سے رجوع کرنے کا فی الحال کوئی فیصلہ نہیں ہوا تاہم آئی ایم ایف سے پروگرام لینے یا نہ لینے کے بارے میں جلد فیصلہ کریں گے۔